LEGAZPI CITY – Arestado an sarong lalaki na dating drug surrenderee sa ikinondusir na drug buy-bust operation sa Brgy. Kinale, banwaan kan Polangui, Albay.
Naarestar an suspek na si alyas Tikboy makalihis kaining pabakalan an poseur buyer nin pinagtutubudang shabu.
Narekober pa sa saiya an 7 pidasong shabu na nagkakantidad ki labi P9,000.
Mientrastanto, napag-araman na antes isagibo an operasyon, haloy nang ini-report kan mga residente sa pulisya an manungod sa piggigibo kan suspek na may kinaraman sa iligal na droga.
Sa ngunyan, kapot na ini kan pulisya para sa magkakanigong disposisyon.
