LEGAZPI CITY – Naarestar na makalihis an 10 taon an sarong lalaki sa Zone 3, Brgy. Culliat, syudad kan Ligao na may kasong child abuse.
Binisto ining si alyas Sonny, 53 anyos, may agom asin residente kan nasambit na barangay.
Ini naarestar kan pinagsarong esfuerso kan Tigaon MPS, asin iba pang unit sa kusog kan alias warrant na pirmado pa kan Mayo 26, taon 2014 para sa kasong child abuse na may piyansang P80,000.
Nasa kustodiya naman ini kan pulisya para sa magkakanigong disposisyon.
