Malipayon ang mga estudyante, ginikanan kag manunudlo sang Francisco Vacaro Memorial School matapos pormal ini nga gincovert sa isa ka Integrated School sang nakaligad nga June 17, 2024 sa Brgy. Agambulong, Jamindan, Capiz.
Ang nasambit nga bulothoan, amat-amat nga pagabutangan sang high school kag magasugod ini sa Grade 7 sa palaabuton nga school year 2024-2025 nga nagatuyo agud ipalapit sa mga kabataan ang edukasyon.
Personal nga gintambungan sang DepED kag Municipal Officials, PTA Officers, kag Barangay Council ang ginhiwat nga School Conversion Launching Program. | KMD Gicalde
