LEGAZPI CITY – Matrayumpong naikondusir an nasa 22 na operasyon kontra iligal na droga kan Police Regional Office (PRO5) na nagresulta sa pagkakaarestar kan nasa 24 katawo sa laog nin sarong semana.
Susog sa datos kan PRO5, nasa 98.3650 gramo nin shabu, asin 10 gramo na dahon nin marijuana an nakumpiskar kan pulisya sa nasambit na mga operasyon.
Pigsyerto kan PNP Bicol, ipapadagos pa ninda an ginigibong operasyon tanganing mas mapauswag an mga banwaan asin syudad sa kabikolan.
