LEGAZPI CITY – Nairehistro an tulong volcanic earthquakes sa Bulkang Mayon sa probinsya kan Albay basado sa 24 oras na monitoring kan Philippine Institute of Volcanology and Seismology (PHIVOLCS).
Sa datos kan PHIVOLCS, naobserbaran an maluyang crater glow o banaag na nahihiling sana gamit an teleskupyo.
Uminabot naman sa 720 tons nin sulfur dioxide flux an nairehistro sa bulkan, asin katamtamang pagsangaw na nasa 100 meters na langkaw na pasiring sa direksyon kan sulnupan-norte sulnupan asin sur-sur sulnupan.
Pagirumdom kan PHIVOLCS na dai magrani sa laog kan 6 kilometers permanent danger zone huli ta peligroso ini dawa pa nasa alert level 1 an status kani.
