LEGAZPI CITY – Naggradwar na an 28 paraoma na gikan sa Daraga, Albay sa Farmers Field School na sarong educational program kan Technical Education and Skills Development Authority (TESDA) asin Department of Agriculture (DA).
Gikan an mga paroma sa mga barangay kan Canarom, Bañag asin Burgos kun sain an saindang pinag-adalan an manungod sa Integrated Crop Management on Vegetable Production sa irarom san High Value Crops Development Program.
Kasabay kaini, nagkaigwa man nin harvest festival mantang tinawan man sinda nin gamit pang-oma siring kan pala, water sprinkler, pesticide asin iba pa.//
