Sinibak sa pwesto si Pampanga Police Provincial Office Director PCol. Levi Hope Basilio kasunod ng ginawang pagsalakay ng mga awtoridad sa isang ilegal na POGO hub sa bayan ng Porac noong Hunyo 4.
Ayon kay PNP Spokesperson Col. Jean Fajardo, inalis ito sa pwesto para bigyang daan ang isinasagawang imbestigasyon sa Lucky South 99.
Aniya, iniimbestigahan ang mga opisyal para sa posibleng kapabayaan sa tungkulin.
Pansamantalang tatayo bilang hepe ng Pampanga police si Police LtCol. Maylanie Castillo na kasalukuyang deputy provincial director for administration ng Pampanga Pampanga Provincial Police Office.
