Dapat kumpirmahon ag siguruhon ro mga impormasyon kapin kung raya hay mga importanteng okasyon kaparehu it kasae, agud malikawan ro anuman nga problema.
Raya ro ginpaabot sa Brigada News FM Kalibo ni Reverend Father Justy F. More, Chancellor it Diocesan of The Diocese of Kalibo, kat pangayuan imaw it anang opinyon angot sa natabo nga kasae sa Amlan, Negros Oriental kung siin naging viral bangud inumpisahan eon it pari ro misa samtang nagadali-dali sa pagsueod ro wedding entourage.
Importante gid segun kay Fr. More ro proper communication ag coordination sa Parokya agud indi man ma-hassle ro mga masunod pang naka skedyul nga misa. // ANN DESLENE SALAZAR
