LEGAZPI CITY – Matrayumpong naipresentar sa potential donors an 2023 Mayon Resilient, Recovery, and Rehabilitation Plan (M3RP).
Prinesentar ini kan Provincial Planning and Development Office (PPDO) para matabangan asin magkaigwa nin relocation households an mga residenteng naapektaran kan pag-alburoto kan Bulkan Mayon, partikular an mga nasa laog kan six-kilometer permanent danger zone.
Segun kay PPD Coordinator Arnold Onrubia, kaipuhan na ma-relocate an mga affected households na presente pang nakaistar sa nasambit na danger zone.
