LEGAZPI CITY – Kontrolado na an mga kaso nin African Swine Fever (ASF) sa banwaan kan Tiwi, Albay segun sa Albay Veterinary Office (AVO).
Segun kay Provincial Veterinarian Dr. Pancho R. Mella, naisagibo na kan lokal na gobyerno asin kan mga concerned national agencies an gabos na mga guidelines asin protocols nganing deretso nang mahali an kaso nin ASF sa nasambit na lugar.
Sa presente, pighahalat na sana ngunyan kan nasambit na opisina na maibalik sa pink zone status an nasambit na banwaan.
