Easgas sa kaeawasan ru naagom it mag-ina matapos nga sumemplang sa karsadahon habang naga sakay sa motorsiklo sa Brgy. Laguinbanuwa East, Numancia,Aklan kahapon.
Sa report, edad 41 anyos ru nanay samtang angkas na aru anang unga nga 14 anyos nga dalagita, tanan mga residente it C. Laserna St.,. Kalibo, Aklan.
Halin sa Poblacion Tangalan ru mag-ina ag maga- pauli eon konta sa Kalibo kat na dueaan it control ru manobela dahilan para sumemplang ag nasayuran nga sa idaeom it maka-hiielong nga ilimnon ru nanay nga driver.
Naka angkon it lastro sa ueo, siki alima ru driver ru mga biktima nga eagi man gin daea sa hospital it mga rumesponde nga MDRRMO-Numancia.//MARIVIC Y. ILIN
