Sikop sa mga sakop sa Bajada Police Station ang usa ka magtutudlo ug usa ka call center agent human kini nag-sideline sa pagpamiligya og iligal nga droga, pasado alas 9:00 sa gabii, Mayo 28, 2024 sa Brgy.Wilfredo Aquino ning syudad.
Giila sa kapulisan ang mga dinakpan nga sila alyas Sir John, 43 anyos, public teacher, high value individual ug alyas Hanzo, 40 anyos nga parehong residente sa nasangpit nga lugar.
Nasikop matod pa ang mga suspek atol sa drug buy-bust operation, diin napalit kanila ang usa ka pakete sa gituohang shabu. Napalit ug nakuha sa mga nahisgutan ang kinatibuk-ang kantidad sa shabu nga mubalor sa Php26,384.00.
Balhog na karon sa prisohan ang maong mga dinakpan ug gi-andam na ang pagpasaka og tukmang kaso batok kanila.
