LEGAZPI CITY – Nakapagrehistro ki 20% na pagdugang sa kaso nin Human Immunodeficiency Virus (HIV) an Department of Health (DOH) Bicol.
Segun kay DOH Bicol Program Manager for HIV AIDS Sam Banico, basado ini sa saindang datos kan mga nakalihis na taon, kun sain uminabot sa 2,500 an nairehistrong kaso kaini kan 1984 hasta 2023.
Napag-araman man kan ahensya na sexual contact an pangenot na kawsa kan pagkakaigwa kaini, dugang pa an pagkapasa kan helang sa aki hale sa ina.
Mientrastanto, padagos man an pag-enganyar kan ahensya sa publiko na sumairarom sa libreng HIV testing nganing ma-detect tulos nin amay kun positibo sa helang.
