‘Not worth investigating’
Ganito inilarawan ni National Security Council (NSC) assistant director-general Jonathan Malaya ang panibagong claim ng China na mayroon ‘di umanong ‘gentleman’s agreement’ sa Ayungin Shoal.
Sabi ni Malaya – ‘di na ito dapat pang pagaksayahan ng panahon.
Maliban pa rito, hindi rin daw nila pupuwedeng imbestigahan ang mga usapin na may kinalaman sa nagdaang administrasyon.
Sa kabila niyan – maaari naman daw mag-imbestiga rito ang Kongreso sakali mang may mag-file ng resolution para sa isang inquiry.
Kung maaalala, kapwa nanggaling sina Malaya at National Security Adviser Eduardo Año sa DILG sa ilalim ng Duterte administration, bago sila napunta sa NSC.
