Arestado it Aklan MARPSTA ro tatlong indibidwal nga nagapatigayun it illegal nga naga pangisda sa baybayon nga sakop it banwa it Malay, Aklan.
Naaresto ro mga raya ku Abril 5 kat magpatigayun ro mga personnel it Aklan MARPSTA, it Seaborne Patrol Operation nga may kaangtanan sa “All Hand! Full Ahead!”
Na-apprehend ro sangka Fishing Boat nga may pangaean nga “MBCA JACOB”, nga naghalin sa Carles, Iloilo, ag sakay kara ro nasambit nga 3 indibidwal nga illegal nga nagpangisda nga owa it permit o lisensya halin sa Local Government Unit it Malay, Aklan.
Raya hay klaro nga pag eabag sa Section 86 (Unauthorized Fishing) it Republic Act No. 10654 sa municipal seawaters it Malay, Aklan. // ANN DESLENE SALAZAR
