LEGAZPI CITY – Dakop an soltero sa isinagibong drug buy-bust operation sa Purok 3, Brgy. Paulog, syudad nin Ligao sa Albay.
Sa report kan pulisya, sinagibo an operasyon kontra iligal na droga kan Ligao City Police Station kasabay an Philippine Drug Enforcement Agency (PDEA) kontra sa suspek na si alyas “Lito” sa nasambit na lugar.
Positibo ining kuminagat sa pain makalihis pabakalan nin pigtutubudang “shabu” an poseur buyer.
Narekober an tulong pidasong shabu na may gabat na poko mas o menos sarong gramo na nagkakantidad nin labi PHP6,000 asin P500 komo buy-bust money.
Tulos man dinara an suspek sa hepatura nin pulisya para sa magkakanigong disposisyon.
