Haeos nakaani eon ro pila ka mangunguma it paeay sa Brgy. Mataphao, New Washington, pero magahueat pa it mabuhay para sa masunod nga cropping.
Raya ro ginhayag sa Brigada News FM Kalibo ni Punong Barangay Alita Senining it Brgy. Mataphao, New Washington, Aklan.
Suno sa Kapitan, tubi halin sa irigasyon eang ro ginasaligan it andang mga mangunguma ngani para mapabilin ro andang produksyon sa mga taeamnan igto hay gin engganyo nana ro mga mangunguma nga magtanum it tinuea, pakwan ag melon para bisan paano hay may anihon eabi eon makarun nga naga epekto eon ro grabeng init it panahon.
Umapela man si Kapitan Senining sa National Irrigation Administration (NIA) nga mag angkon it maintenance sa irigasyon para sigidas ro flow it tubi sa kaeanasan. // ANN DESLENE SALAZAR
