Padayun pa ro imbestigasyun makarun kaangot sa motorsiklo nga nasunog sa may Sitio Mangga Brgy. Panayakan, Tangalan, Aklan.
Sa report, ginkilaea ro tag ana it motorsiklo nga nasunog nga si Richard Rapiz 52yo, BPAT member ag residente it nasambit nga lugar.
Nasayuran nga bandang alas 4 it hapon hay nag park si Rapiz it anang motorsiklo sa atubang it baeay it anang kaeapit-baeay nga si Rolando Ibabao ag inaywanan nana raya igto.
Pero bandang alas 8:17 hay nakabatun eon imaw it impormasyon nga naga kasunog eon ro anang motorsiklo sa indi pa masayran nga rasun.
Ginaboebanta nga kapin sa P30,000 ro damage sa natabo nga pagkasunog it anang motorsiklo. // ANN DESLENE SALAZAR
