Madinaeag-on nga gin umpisahan it Aklan Police Provincial Office (PNP) ag Land Transportation Office (LTO) Aklan ro Orientation and Deputation Seminar makarun nga adlaw, March 13, 2024.
Tinutuyo it seminar nga ayuson ro pagbueoligan ag koordinasyon sa tunga it PNP ag LTO sa pagpatuman it mga regulasyon sa trapiko ag pagsiguro it safety sa karsada sa probinsya.
Gintipon it aktibidad ro mga opisyal ag tawuhan halin sa Aklan PNP ag LTO Aklan, kamana man ro mga representante halin sa iba pang nagakaigu nga ahensya it gobyerno ag stakeholder.
Ro mga partisipante hay nakibahin sa informative sessions ag interactive discussions kaangot sa sari-sari nga topiko kaangot sa traffic management, law enforcement, ag road safety. // ANN DESLENE SALAZAR
