GIPASALAMATAN ni City Mayor Lorelie Pacquiao ang tanang security forces sama sa kapulisan, kasundalohan, mga traffic police, force multiplier, ug bisan paman ang mga tanod ug pulis sa Barangay nga mitabang aron mamintinar ang kalinaw ug kahapsay sa Kalilangan festival 2024.
Segun sa opisyal importante ang pagtinabangay sa komunidad ug kapulisan aron makab-ot ang kalinaw sa usa lugar ilabi na sa GenSan. Pinaagi matud pa sa tabang sa mga otoridad nahimong malamposon ang lima kaadlaw nga selebrasyon ug walay mga kriminalidad sa palibot.
Luyo niini, gidasig sa Mayor ang otoridad nga magpabiling alerto sa matag karon ug unya ug bisan paman nga walay mga dagkong aktibidad sa dakbayan aron sumala pa mamahimong maayo ug malinawon ang pagpuyo sa mga tawo. I Enamie Mogpon
–
