Gintambungan it mga opisyal it National Commission in Culture and Arts (NCCA) ro exhibit nga naga showcase it inscribed Aklan Piña Handloom Weaving sa Senate of the Philippines base sa imbitasyon it Office of Senator Loren Legarda bilang kaparte it National Arts Month Celebration.
Ro opening it “Buhay na Dunong, Bukal ng Sining” hay ginpatigayun ku February 6, 2024.
Raya hay gintambungan ni Senator Legarda, mga opisyal it NCCA sa pagpamuno ni Chair Victorino Mapa Manalo, mga miyembro it NCCA ag Senate Secretariat, ag mga bisita halin sa weaving community it Aklan.
Ro nasambit nga exhibit hay pwedeng makita sa 2nd Floor Hallway it Senado hasta sa March 1, 2024. // ANN DESLENE SALAZAR
