LEGAZPI CITY – May takot paman giraray hasta sa ngunyan an mga residente kan Brgy. Macabugos sa banwaan kan Libon, Albay.
Ini an pinahayag kan National Bureau of Investigation (NBI) Bicol katakod kan saindang nakalihis na operasyon sa pag-retrieve kan tulong bangkay kan su boot mag-aarama na ginaradan asin pinurugutan nin payo kan Conception Gang sa Sitio Tagbac.
Alagad, nagpapadagos paman giraray an imbestigasyon asin mga lakdang kan NBI pati kan PNP nganing mapanimbag an mga may kagibo kaini.
Mientras, tinawan-doon kan NBI, an mga witness o itong mga nakahiling sa paggadan kan grupo, yaon sana duman alagad wara nin partisipasyon sa mismong krimen.
