Kalat ngayon sa social media ang kopya ng isang memorandum mula sa Presidential Management Staff na may petsang February 02, 2024 at pirmado ni Senior Undersecretary Ellaine Masukat.
Kung saan pinagsusumite ng updated na documentary requirements ang lahat ng Presidential appointees na naitalaga bago ang February 01, 2024.
Kabilang dito ang pinuno ng mga departamento, agencies, offices, pati na ang mga instrumentalities, gayundin ang mga government owned and controlled corporation o GOCCs, at State and Universities.
Kinakailangan nilang mag sumite ng updated Personal Data Sheet at clearances mula sa Civil Service Commission, NBI, Office of the Ombudsman at Sandiganbayan.
Kinakailangan din na maisumite nila ito sa loob ng 30 days mula nang ilabas ang memo.
Sa paglilinaw ng Presidential Communications Office, sinabi ni Secretary Cheloy Garafil na ang naturang memo ay direktiba sa lahat ng presidential appointees, kabilang ang mga itinalaga ni Pangulong Bongbong Marcos, bilang bahagi ng performance review at upang matiyak na qualified pa rin sila na manatili sa kanilang pwesto.
