CAMARINES NORTE – Nagpaalala ang Land Transportation Office (LTO) sa mga nagmamay ari ng sasakyan na huwag gawing parking area ang national highway.
Ito ay upang hindi magsilbing obstruction sa kalsada at maging sanhi pa ng disgrasya lalo na ang mga truck na nakaparada sa gabi.
Ayon kay LTO Daet Assistant Chief Romeo Candelaria dapat manatiling obstruction- free ang national highway sa lahat ng oras.
Mayroon naman aniyang ginagawang road clearing operation ang mga LGU at ang national government agency.
Kung maalala patay ang isang motorcycle rider makaraang sumalpok ang minamanehong motorsiklo sa isang truck na nakaparada sa national road sa bayan ng Talisay noong nakaraang linggo.
