Magapangatubang sang kaso nga murder ang duha ka mga suspetsado sa pagbuno-patay sa isa ka mangunguma sa Barangay Maralag, Mambusao, Capiz.
Matandaan nga ginkilala ang biktima kay alyas Joan, 46-anyos, lalaki kag kasado, samtang ang ginatudlo nga suspek amo sanday alyas Albert, 34-anyos kag alyas Joe, 36-anyos, lunsay mga residente sang nasambit nga barangay.
Sandig sa impormasyon nagikan sa Mambusao PNP, nasal-an lang ang biktima tungod ang pakaisa kun tani sini ang target nga patyon sang mga suspek apang siya ang nakit-an nga nagamaneho sang tricycle sang iya pakaisa. Nahibaluan man nga yara sa empluwensya sang makahulubog nga ilimnon ang mag-utod nga si alyas Albert kag Alyas Joe sang natabo ang krimen.| KMD Gicalde
