Magpapalabas ng Department order si Vice President at Education Secretary Sara Duterte hinggil sa pag tanggal ng administrative task sa mga guro.
Sa basic education report ng ikalawang Pangulo kahapon, inanunsyo nito na aalisin na sa mga guro ang mga trabahong walang kinalaman sa pagtuturo.
Binigyang diin ni Duterte na panahon na para ibalik sa loob ng classroom ang mga guro.
At para matiyak ang epektibong pagpapatupad nito, dadagdagan ang maintainance and other operating expenses o MOOE ng mga eskwelahan para makapag hire ng kinakailangang administrative staff.
Nabatid na nasa limang libong administrative personnel ang nakatakdang i-hire ng DepEd ngayong 2024.
