Isiniwalat ni Justice Sec. Jesus Crispin Remulla na may ilang tauhan ng Bureau of Immigration ang tumutulong upang makakuha ng pre-arranged employment visa o 9G ang mga pekeng korporasyon.
Ayon kay Remulla libo-libong visa ang naisyu sa mahigit 500 korporasyon na karamihan aniya’y ginagamit ng mga empleyado ng Philippine Offshore Gaming Operations.
Sinabi ng kalihim na iniimbestigahan ng kanilang ahensya ang mga korapsyon sa Immigration.
Dagdag pa ni Remulla, ilang abogado aniya ng BI ang posibleng managot sa isyu.
