MAS hugot nga pagpatuman sa balaud trapiko ang saad sa pangulohan sa Land Transportation Office (LTO) 12 sa mga motorista karong tuiga.
Pagsuot og helmet ug pagsunod sa balaud trapiko, kini ang gisubay ni Boboy Ledera aron malingkawas sa multa ug peligro sa dalan. Dungan sa pagsaka sa ihap sa mga motorista nga nadakpan human gikaengong misupak sa balaud trapiko. Sa datus sa LTO-12, naa 47,516 ang motorista ang naisyuhan nila og Temporary Operating Permit (TOP) atong 2023 taas kini tandi sa 36,352 atong 2022.
Butyag ni Melharrieh Tomawis, regional director sa LTO-12 sagad nasupak mao ang pakyas nga makasuot og helmet sa mga nagmaneho og motor ug seatbelt. Dugang ni Tomawis, sagad sa mga nadakpan ang nakamulta ug mipailawom sa seminar kalabut sa balaud trapiko ug safety. I Richel Gubalani
