Gin alerto makarun ni Kalibo Mayor Juris Bautista Sucro ro publiko kaangot sa scam nga ginagamit ro anang pangaean.
Base sa facebook post it alkalde, may pilang negosyante iya sa Kalibo ro nagpaabot kana it concern kaangot sa paggamit it anang pangaean para magpangayo it donasyon o mangolekta it kwarta.
Ginklaro ni Mayor Sucro nga owa imaw it makarondaya nga klase it transaksyon ngani ginpadumdom nana ro publiko nga maging alerto kaangot sa scam o modus. // ANN DESLENE SALAZAR
