Ginsuguran na sang Local Government Unit sang Tapaz ang ila nga Project SMILE 2023 nga nagatuyo nga magbulig sa mga bedridden nga mga katigulangan.
Ang ini nga proyekto ang ginpangunahan ni Mayor Roberto “Nonong” Palomar kaupod si OIC- Municipal Administrator/MSWDO Oversight Milagros “Chay” Palomar kag sa koordinasyon sang Municipal Social Welfare and Development Office (MSWDO), Office of the Senior Citizens Affairs (OSCA) kag Municipal Health Office (MHO).
Nakabaton sang cash assistance, groceries, kag libre nga check-up ang mga bedridden seniors citizen kun sa diin ginpadulungan gid mismo ang ila puluy-an sang pila ka mga staff sang nasambit nga LGU.
Ang Project Smile isa ka pamaagi sang LGU nga mabuligan ang mga Tapaznon ilabi na ang mga indibidwal nga may yara sang kasablagan sa lawas ukon may ginasuprehir nga balatian. | Judy Ann Juare
