LEGAZPI CITY – Pormal nang pigbuksan sa Albay Capitol an Wellness Center kasuudma kasabay kan pagseselebrar kan Health and Wellness week.
Sa intrevista kan Brigada News FM Legazpi kay Provincial Information Officer Lorena Quising, pigklaro niya man na eksklusibo sana an pagtatao nin serbisyong medikal sa mga personahes o empleyado kan kapitolyo.
Segun saiya, bako man ini para sa publiko huli ta yaon man an Provincial Health Office (PHO) nganing magtao nin siring na serbisyo siring kan pagtatao nin libreng bulong asin check-up sa gabos na Albayano.
Kasabay sa pagbukas kaini an pag-operate kaini asin nagkapira sa mga serbisyo na pig-oopresir iyo an daily medical consultation, free vaccination, counseling asin mental health check-up.
