Ginaboebanta nga nagaabot sa P698,400 ro nailistang danyos sa inisyal nga imbestigasyon it Bureau of Fire (BFP-Kalibo) sa natabo nga sunog kahapon it agahun sa may Bliss Site Kalibo, Aklan.
Suno kay FO2 Baldomero Imperial it BFP-Kalibo, alas 12:30 it udtro-adlaw kat ideklara nga fire out ro sunog.
Matandaan nga sambilog ro totally burned nga baeay samtang daywa ro partially damaged nga nadaeahig bangud sa sunog.
Ginkilaea man ro mga nasunugan nga sanday Marites Apolonio, Charlie Bartolome ag Amy Ambubuyog.
Ro nasambit nga sunog hay insigida man nga ginrespondehan it BFP Kalibo ag sambilog pang fire truck volunteer. // ANN DESLENE SALAZAR
