Gipahibalo sa Department of Social Welfare and Development (DSWD)
ngadto sa publiko nga dunay nagpakatag karon nga usa ka Tiktok channel nga dunay pamaskong handog ang ahensiya nga mikantidad og 5,000 pesos sa mga makalista sa ihatag nila nga link.
Dugang nasayran nga kung dili sumala pa makalista sa maong link, dili makadawat og payout.
Walay kamatuoran ang nasangpit nga video, walay ipanghatag ang
DSWD na pamaskong handog pinaagi sa pag-register sa link.
Hugot nga gipahimangnoan sa DSWD ang publiko nga dili mu-click og bisan unsang link nga dili gikan sa official Facebook page sa ahensiya.
Kinahanglan sumala pa nga i-verify una ang mga nabasa online, dili dayon mutoo og sayron kung naggikan ba ang maong impormasyon sa credible ug reliable source.
