Patay ro babayeng motorista matapos sumunggab ro anang ginamanehu nga motorsiklo sa sangka mixer sa Diversion Lezo to Makato kabii, samtang naninahan man ro anang daywa ka angkas nga parehu man nga babaye ag sambilog eon kara ro menor de edad nga 15 anyos.
Ginkilaea ro namatay nga si Imie Zonio 20yo ag taga Alfonso XII, Libacao; samtang ro mga angkas kara hay si Mae Ann Ili 23yo nga taga Pob. Lezo ag sangka 15 anyos.
Nasayuran nga sumunggab ro mga biktima sa likod it sangka heavy equipment particular ro cement mixer.
Ginbawian it kabuhi si Zonio samtang ginabueong sa ospital samtang ro daywa ka angkas kara hay padayun nga naka confine ag ginabueong. // ANN DESLENE SALAZAR
