Nangayo daan og pasaylo ang City Social Welfare and Development Office ngadto sa ubang sectoral groups nga dili makadawat og food packs karong tuiga.
Gibutyag ni CSWDO Officer-In-Charge Julie P. Dayaday, nga prayoridad nila karong tuiga nga hatagan og regalo/food packs kadtong mga IPs.
Dugang pahayag ni Dayaday nga dunay nadawat nga reklamo ang ahensiya gumikan wala makadawat ang uban hinungdan nga iyang kining gipasabot dungan sa pagpangayo daan og dispensa sa dili maapilan og hatag sa food packs.
Nasayran nga gisugdan na sa pagpang apod apod sa mga regalo niadtong Nobyembre 30,2023 sa Baguio District ug sa Calinan niadtong Disyembre 4, 2023.
Samtang, anaa sa 59,637 ka pamilyang IPs ang benepisyaryo alang karong tuiga nga maoy makadawat sa grocery packs nga lima ka book matag pamilya.
