LEGAZPI CITY – Solamenteng an lokal na gobyerno kan Camalig, an nakaresibe nin sarong prestihiyoso asin national award sa bilog na probinsya kan Albay.
Ini an Gawad KALASAG Seal sa 23rd Gawad KALASAG Seal and Special Awards for Excellence in Disaster Risk Reduction and Management and Humanitarian Assistance.
Ikinondusir an awarding kasuudma sa sarong hotel sa syudad kan Legazpi.
An nasambit na award, taun-taong pigtatao kan Office of Civil Defense – National Disaster Risk Reduction and Management Council na nagrerekognisar sa inisyatiba kan mga lokal na gobyerno na nagpopromotir kan DRRM.
Marurumduman kan nakalihis na Setyembre, pig-validate kan OCD Bicol an nasambit na LGU komo regional qualifier para sa naunambitang award makalihis an serye asin mahigot na ebalwasyon.
Sa awarding kasuudma, tinawan-doon ni alkalde Caloy Baldo an mga pag-inguwa kan saindang MDRRMO sa pangengenot ni Rommel Negrete, Jr.
