LEGAZPI CITY – Maabot sa poko mas o menos 500 gramo nin shabu na may kantidad na PHP1.6M an narekober sa magtugang sa joint anti-narcotics operation kan PDEA Bicol Special Enforcement Team, NBI, Legazpi CPS asin iba pang yunit kasuudma, alas 3:00 nin hapon sa Brgy. Bitano, syudad nin Legazpi.
Arestado an magtugang na suspetsado, kabale an sarong provincial drug-listed personality na cluster target asin pasiring sa Visayas na binistong si Sandra Floralde Aranil.
Nakumpiskar sa mga suspetsado an electronic receipts nin money transfer transactions na sinairarom sa financial investigation.
Pigpepreparar na ngunyan an kasong pagbalgar sa ley kontra iligal na droga na isasangat sa sainda.
Kapot na ini kan mga otoridad para sa magkakanigong disposisyon.
