Ginpatigayun ro Ceremonial Turnover it pag donar it World Health Organization Philippines (WHO) it BP Apparatus para sa probinsya it Aklan.
Kapin sa 133 blood pressure monitoring apparatus ro ginpanupod sa mga municipal health offices sa Aklan.
Kada munisipalidad hay nakabatun it BP apparatus base sa andang presente nga barangay health station (BHS).
Ro aktibidad hay kabahin it Healthy Hearts Programme it World Health Organization sa pakikipagbueoligan sa Department of Health Western Visayas Center for Health Development.
Tinutuyo it programa nga makontrol ro hypertension pinaagi it BP monitoring ag tamang pag-manage agud malikawan ro mga komplikasyon ag temprano nga pagkamatay. // ANN DESLENE SALAZAR
