MISAKA na sa P368 milyon ang damyos sa public infrastructure sa Glan, Sarangani Province human sa Magnitude 6.8 nga linog atong Nobyembre 17.
Matud ni Antonio Acharon, labaw sa Municipal Disaster Risk Reduction Management Office (MDRRMO) kini sa base sa datus gikan sa Municipal Engineering Office (MEO). Sagad sa naguba mao ang municipal hall, flood control structures, pantalan, dalan ug tulay.
Giangkon ni Acharon, dili makaya sa ilang quick response fund ang kadako sa damyos sa maong mga inprasktraktura. Rason nga kinahanglan nila ang tabang sa national agency sama sa Department of Public Works and Highway (DPWH) aron maayo ang naguba nga public infrastructure. I Richel Gubalani
