Gagastos ro LGU Kalibo pinaagi sa Kalibo Ati-Atihan Festival Board (KaFeB) it P2.930 million nga subsidy para sa Kalibo Sadsad Ati-Atihan contest 2024.
Kada grupo sa Balik-Ati category hay magabatun it P60,000 samtang ro Modern Tribal groups hay magabatun it P70,000.
Samtang ro Tribal big group hay makabatun it P120,000 ag ro Tribal small groups hay pagataw-an it P90,000 bilang dugang sa andang gaeastuson para sa andang Ati-Atihan costumes.
Ro Kalibo Sadsad Ati-Atihan contest hay ginakonsidera nga major event sa Ati-Atihan calendar. // ANN DESLENE SALAZAR
