Igpapatuman na ha Eastern Visayas an bag o nga minimum wage increase yana nga bulan han Nobyembre, ini in subay ha Regional Tripartite Wages and Productivity Board Region 8.
Ini in mahuman makit-an nga nagsunod ha Omnibus Rules on Minimum Wage Determination, an Wage Order No. RBVIII-23 ngan RBVIII-DW-04 ginpagawas dida han Nobyembre 14, 2023.
Para ha Non-Agriculture and Retail Services nga nagpapatrabaho hin 11 nga magtatrabaho paigbaw, in makakakarawat an mga ini hin P405 tikang ha P375 kada-adlaw nga sahod. Samtang para ha Agriculture, Cottage and Handicraft and Retail Service nga nagpapatrabaho hin 10 katawo o mas habubo, in makakakarawat an mga ini hin P375 tikang ha 345 pesos kada-adlaw nga sahod.
Samtang, para naman ha kabulig, in lauman an paghitaas ha P500 ha minimum wage kun diin makakakarawat an mga ini han ira kinada bulan nga suweldo ha P5,500 ha mga chartered nga siyudad ngan first-class nga munisipyo, ngan P5,000 ha iba pa nga munisipalidad ha rehiyon.
An bag o nga minimum wage increase in nakatalaan igpatuman ha November 30 yana nga tuig mahuman kinse ka-adlaw nga publication.
