LEGAZPI CITY – Posibleng iebakwar an nagkapirang mga barangay sa syudad kan Legazpi sa oras na magpadagos pa an mga pag-uran dara kan shear line na nakakaapektar sa bilog na rehiyon kan Bicol.
Segun ini kay City Disaster Risk Reduction and Management Council (CDRRMO) head Engr. Miladee Azur.
Sa intrevista saiya kan Brigada News FM Legazpi, sinabi ni Azur na ini an mga barangay na nasa pamitisan kan Bulkang Mayon, partikularmente an Mabinit, Buyuan, Matanag, Bonga asin Padang.
Kasabay pa su boot digdi an mga barangay na nasa baba kaini partikularmente an Pawa, San Jaoquin, Dita, Bagong Abre, asin iba pa.
Sinabi ni Azur, may mga evacuation centers naman naka-assign para sa mga ini.
Mientrastanto, pigklaro niya na an pag-assign kan evacuation centers, nakadepende sa hazard.
