Binisita ng mga opisyal ng San Marcelino, Zambales ang itinatayong Solar Power Plant sa Brgy. Sta. Fe.
Pinangunahan ni Mayor Elmer Soria at Vice Mayor Jimbo Gongora kasama ang Sangguniang Bayan ang pagpunta sa lugar nakalipas na Martes.
Ayon sa LGU, ang itinatayong San Marcelino Solar Power Plant ay pinakamalaki umanong solar power plant sa bansa at isa sa pinakamalaki sa Asya.
Ang kapasidad umano ng planta ay aabot sa mahigit 500 MegaWatts, Direct Current at inaasahang mag-ooperate sa unang kwarter ng taong 2024.
Samantala, ang proyekto umano ay nagbibigay ng trabaho sa mga taga Barangay Sta. Fe, Aglao, at San Rafael.//Jen Bayot-BNFM OLONGAPO
PHOTO: San Marcelino PIO
