Bahagyang bumaba ang bilang ng mga Pilipinong naniniwalaang ‘nasa tamang direksyo’ ang bansa.
Sa 2023 3rd Quarter Survey on Optimism ng OCTA Research – lumabas na 62% ng mga respondents ang naniniwalang patungo sa tamang direksyon ang Pilipinas – kung pagbabasehan ang mga programa, mga polisiyang inilahad, at mga ginawa’t ipinatupad ng kasalukuyang administrasyon.
Mas mababa ito mula sa 72% na positibong tugon sa 2nd Quarter Survey ng OCTA.
Samantala, 20% naman ang mga nagsabing nasa maling direksyon ang tinatahak na direksyon ng Pilipinas – mas mataas mula sa 11% noong 2nd Quarter.
