NAHIMONG ‘generally peaceful’ ang pag-obserba sa kalag-kalag sa GenSan, base sa taho sa General Santos City Police Office (GSCPO). Matud ni Police Col. Nicomedes Olaivar Jr., Officer incharge Police director sa GSCPO nga wala’y dagkong insidente nga nahitabo.
Dungan sa pagdagsa sa liboan ka mga tawo sa mga sementeryo sa gensan aron moduaw sa ilang mitaliwan nga minahal sa kinabuhi.
Dugang ni Olaivar, kini ang resulta sa layo nga pagpangandam nila sa seguridad aron masiguro ang kaluwasan sa mga motorista, sumasakay ug sa katawhan. Mokabat sa gatusan ka mga personahe sa GSCPO ang gipakatag atong kalag-kalag sa mga strategic places sa tibuok siyudad.
Samtang sa datus sa City Housing and Land Management Office (CHLMO) mokabat sa 3,000- 4,000 katao ang mibisita sa Acharon Memorial Park (ACAMP) sa barangay Fatima. I Richel Gubalani
