LEGAZPI CITY – Igwa su boot na mga eskwelahan sa mga lugar na nasa orange category sa syudad nin Legazpi na gagamiton komo polling precincts para sa Barangay asin SK elections sa Lunes, Oktubre 30.
Alagad segun kay Dr. Santi Araña kan Legazpi City School’s Division Office (SDO), wara man na dapat ikahandal an mga botante sa nasambit na polling precincts dawa pa nasa orange category.
Igwa man kaya su boot na ide-deploy na mga personahe nganing masyerto an pace orden. Dugang pa ni Araña, sa nakalihis na eleksyon, wara man ki mga nairehistrong untoward incidents sa mga lugar na nasa orange category kaya naglalaom siya na magkakaigwa nin matoninong na pirilian.
Siring man sa mga paratukdo na masirbi sa eleksyon, wara sindang dapat na ikahandal.
Pigsyerto ni Araña, padagos man an pag-monitor kan mga otoridad sa mga lugar na nasa irarom kan nasambit na kategorya.
