LEGAZPI CITY – Pormal nang idineklara ni Albay Governor Atty. Edcel “Grex” Lagman na ang buong lalawigan ay nasa ilalim na ng state of climate emergency.
Ang deklarasyon ay matapos ang stopover sa Albay ng Climate Walkers ng Philippine Movement for Climate Justice na mula pa sa Manila bilang pag-alala sa ika-10 taong anibersaryo ng Bagyong Yolanda.
Ang pagsasailalim sa Albay sa state of climate emergency ay upang pagtibayin ang kanilang kasunduan para sa agaran at makabuluhang aksyon upang mabawasan ang greenhouse gas emisions alinsunod sa Paris agreement.
