LEGAZPI CITY – May pangapodan an Commission on Elections (COMELEC) Daraga sa gabos na mga kandidato asin mga botante kan banwaan para sa Barangay asin Sangguniang Kabataan Elections (BSKE) 2023 katakod kan campaign period saaga.
Segun kay Election Officer Anddy Toledo, lugod na utubon kan mga kandidato an anuman na mga regulasyon sa pagkampanya.
Dai na su boot magbaldar sa polisiya nganing dai na magkaigwa ki problema sa mga masunod na aldaw.
Para naman sa mga botante, mag-antabay sana sa anuman na posibleng mangyari sa itinalaang mga aldaw nin pagkampanya.
Sa ngunyan, nagpapadagos pa an saindang preparasyon para saaga, asin kaibahan digdi an pagbugtak ninda ki mga designated areas para sa mga election paraphernalia.
