LEGAZPI CITY – Nakaresibe nin rubber boat an Albay Police Provincial Office (PPO) na hale sa gobyerno-probinsyal kan Albay.
Pig-turnover ini ni Gov. Atty. Edcel Grex Lagman kay PPO Provincial Director PCol. Fernando Cunanan, Jr., kaibahan si Deputy Provincial Director for Administration PLt. Col. Veneranso Ramirez.
Ini nganing magamit para sa pagpapatrolya asin pagtao nin tabang sa mga coastal areas sa probinsya siring kan mga isla.
Nagpapasalamat man si Cunanan huli ta makakatabang an rubber boat sa pag-implementar kan saindang mga programa sa mga hararayong lugar sa probinsya.
