LEGAZPI CITY – Naka-heightened alert na an gabos na kapulisan kan Albay Police Provincial Office (PPO) nganing syertuhon an pace orden sa papaabot na Barangay asin Sangguniang Kabataan Elections (BSKE) 2023 ngunyan na bulan.
Segun kay Cunanan, mas naghigot an saindang mga lakdang orog na ta dai pa naghahaloy kan nagkaigwa nin haros surunod-sunod na panggagadan ki mga opisyales sa Libon, magin an nakalihis pa sanang engkwentro sa Brgy. Bascaran, Daraga ngunyan na semana.
Naglalaom an opisyal na magigin matoninong an eleksyon sa paagi kan saindang mga pigsasagibong lakdang o preemptive measures orog na sa mga lugar na isinairarom sa red category asin iba pang areas of concern sa probinsya.
